MAXFIYLIK SIYOSATI

1. YIG'ILADIGAN MA'LUMOTLAR

1.1. Ro'yxatdan o'tish ma'lumotlari:

• telefon raqami (+998);
• taxallus (username), viloyat va tuman;
• parol — qaytarib bo'lmaydigan hash ko'rinishida saqlanadi.

1.2. Telegram ma'lumotlari: Mini ilova Telegram ichida ochilgani sababli Telegram bizga sizning hisob identifikatoringizni (chat id), ismingizni va (agar o'zingiz ulashsangiz) telefon raqamingizni beradi. Telefon raqam aynan shu yo'l bilan — Telegram orqali tasdiqlanadi. Telegram parolingizni yoki yozishmalaringizni ko'rmaymiz.

1.3. Profil ma'lumotlari (o'zingiz kiritsangiz): ism, familiya, tug'ilgan sana, manzil. Bular serverda SHIFRLANGAN holda saqlanadi.

1.4. Manzil ma'lumotlari: siz joylagan manzil nomi, tasnifi, rasm va videolari, joylashuv koordinatalari, aloqa ma'lumotlari, xizmat va tovarlar ro'yxati, narxlar.

1.5. Texnik ma'lumotlar: qurilma identifikatori (X-Device-Id), brauzer/ilova versiyasi, IP-manzil, sessiya identifikatorlari va foydalanish statistikasi (qaysi manzillar ko'rilgani, qidiruv so'rovlari).

1.6. Moliyaviy ma'lumotlar: balans harakati va tranzaksiyalar tarixi. KARTA RAQAMLARI BIZDA SAQLANMAYDI — to'lov ma'lumotlari to'g'ridan-to'g'ri to'lov tizimi tomonida qayta ishlanadi.

1.7. Murojaatlar: "Taklif va murojaatlar" chatidagi yozishmalar hamda unga biriktirgan rasm va videolaringiz.

2. MA'LUMOTLARDAN FOYDALANISH MAQSADLARI

• Hisobingizni yaratish, autentifikatsiya qilish va xavfsizligini ta'minlash;
• manzillarni joylash, ko'rsatish, qidiruv va filtrlash natijalarini shakllantirish;
• hududingizga mos toifalar va manzillarni ko'rsatish;
• to'lovlarni qabul qilish, balansdan tarif bo'yicha yechish va manzilni faollashtirish;
• tasdiqlash kodlari va xizmatga oid muhim xabarlarni Telegram orqali yuborish;
• murojaatlaringizga javob berish;
• platformani yaxshilash, xatoliklarni aniqlash va statistika yuritish;
• qonun talab qilgan hollarda vakolatli organlarga ma'lumot taqdim etish.

3. MA'LUMOTLARNI UCHINCHI SHAXSLARGA UZATISH

Shaxsiy ma'lumotlaringizni SOTMAYMIZ. Ular faqat quyidagi cheklangan hollarda uzatiladi:

• Telegram (Telegram Messenger Inc.) — Mini ilova va bot xabarlari (tasdiqlash kodi, bildirishnoma) shu platforma orqali yetkaziladi;
• To'lov tizimlari (Payme/Paycom, Click va Platformada ko'rsatilgan boshqa tizimlar) — to'lovni amalga oshirish uchun zarur hajmda;
• Xarita xizmatlari (OpenStreetMap) — manzil joylashuvini ko'rsatish uchun koordinatalar;
• Qonun talab qilganda — sud, prokuratura yoki boshqa vakolatli organlarga.

Eslatma: siz izohlarda yoki Mini ilovaning boshqa qismlarida qonunchilikda ruxsat etilmagan so'zlardan foydalansangiz, ma'muriyat ma'lumotlaringizni (telefon raqami, ism, sessiyalar) tegishli idoralarga taqdim etishga haqli.

4. QAYSI MA'LUMOT OCHIQ, QAYSI BIRI YOPIQ

4.1. Boshqa foydalanuvchilarga KO'RINADI: siz joylagan manzil ma'lumotlari (nomi, tasnifi, media, joylashuvi, aloqa raqami, xizmat va tovarlari) hamda izohlaringiz ostidagi taxallusingiz.

4.2. Boshqa foydalanuvchilarga KO'RINMAYDI: telefon raqamingiz (manzil aloqa raqami sifatida o'zingiz ko'rsatmagan bo'lsangiz), ism-familiyangiz, tug'ilgan sanangiz, manzilingiz, balansingiz, tranzaksiyalaringiz, sessiyalaringiz va murojaatlaringiz.

4.3. Ekranlarda telefon raqamingiz niqoblangan ko'rinishda chiqadi (masalan +998 9* *** ** 67) — ekran begona ko'z oldida ochilishi mumkinligi hisobga olingan.

4.4. Manzillarning to'liq ma'lumoti ataylab faqat Mini ilova ichida ochiladi va qidiruv tizimlariga to'liq holda berilmaydi.

5. SAQLASH VA HIMOYA

• Parollar hash ko'rinishida saqlanadi (django_pbkdf2_sha256 / bcrypt) va hech qachon ochiq matnda saqlanmaydi;
• Profil PII ma'lumotlari (ism, familiya, manzil, tug'ilgan sana) NaCl SecretBox bilan, har bir foydalanuvchi uchun alohida hosil qilinadigan kalit yordamida shifrlanadi;
• manzil detali kabi javoblar mijozga shifrlangan holda uzatiladi, barcha aloqa HTTPS orqali;
• har bir kirish alohida sessiya sifatida yoziladi (qurilma, IP, versiya) — Profil → Sozlamalar → Xavfsizlik bo'limida ularni ko'rib, kerakmasini bekor qilishingiz mumkin;
• login urinishlari cheklangan: 5 marta xato parol kiritilsa hisob vaqtincha qulflanadi;
• ma'lumotlar O'zbekiston Respublikasi hududidagi serverlarda saqlanadi.

Hech bir tizim 100% xavfsizlikni kafolatlay olmaydi, lekin biz yuqoridagi choralarni doimiy takomillashtiramiz.

6. SAQLASH MUDDATLARI

• Hisob ma'lumotlari — hisob faol bo'lgan davrda;
• hisobni o'chirsangiz — ma'lumotlar 30 kun ichida butunlay o'chiriladi (zaxira nusxalardan ham);
• moliyaviy hujjatlar (tranzaksiyalar) — qonun talab qilgan muddat davomida;
• ma'muriy amallar jurnali (audit log) — 6 oygacha;
• o'chirilgan manzilning media fayllari serverdan olib tashlanadi.

7. SIZNING HUQUQLARINGIZ

• O'z ma'lumotlaringizni ko'rish va tahrirlash: Profil → Shaxsiy ma'lumotlar;
• taxallusni o'zgartirish (izoh yozgan bo'lsangiz — 30 kunda bir marta);
• telefon raqamni o'zgartirish va parolni tiklash: Profil → Sozlamalar → Xavfsizlik;
• sessiyalarni ko'rish va bekor qilish;
• manzillaringizni va izohlaringizni o'chirish;
• hisobingizni o'chirish;
• ma'lumotlaringizning bir nusxasini olish — murojaat asosida.

Har qanday so'rovni Mini ilovadagi "Taklif va murojaatlar" bo'limi orqali yuborishingiz mumkin.

8. LOKAL SAQLASH VA ANALITIKA

Mini ilova brauzerning lokal xotirasidan (localStorage) sessiya tokeni, qurilma identifikatori va sozlamalaringizni saqlash uchun foydalanadi. Bu ma'lumotlar reklama maqsadida uchinchi shaxslarga uzatilmaydi. Foydalanish statistikasi (qaysi bo'limlar ochilgani) faqat xizmatni yaxshilash uchun ishlatiladi.

9. BOLALAR MAXFIYLIGI

Xizmat 18 yoshdan oshganlar uchun mo'ljallangan. 18 yoshga to'lmagan shaxslar ota-onasi yoki qonuniy vakili roziligi bilan foydalanishi mumkin.

10. SIYOSATGA O'ZGARTIRISHLAR

Ushbu maxfiylik siyosati vaqti-vaqti bilan yangilanishi mumkin. Muhim o'zgarishlar haqida Mini ilovadagi bildirishnoma orqali xabar beramiz. Yangilangan versiya e'lon qilingan kundan boshlab kuchga kiradi.

11. BOG'LANISH

Mini ilova: @manziliuzbot

Qo'llab-quvvatlash: Mini ilovadagi "Taklif va murojaatlar" bo'limi yoki @manzilisupportbot

Elektron pochta: info@manzili.uz

Veb-sayt: https://manzili.uz